رواية كان قصدك عذابي لاتوصي حريص الزمن مايقصر وأنت فيك بركه!!(سعوديه)& أول روايه من تأليفي&..

السلاااااااااااام عليكم (15)

!!كيفكم؟؟؟ المهم بدخل بالموضوع
هاذي أول روايه من تأليفي أتمنى
أنها تعجبكم ولا تبخلو علي
بالردود وإذا ماعجبتكم ماراح أكملها (11)

وإذا عندكم ملا حظات عليها قولوا لي
الروايه تتكلم عن خمس بنات يقربون
لبعض كل وحده لها قصه...
أترككم مع الروايه
(9)

لاتزعلوني لأني إذا مالقيت ردود ماراح أنزل

ابطال القصه
ابناء الجد سالم
(عائله ابو يارا)

ابو يارا: صالح -عمره 55 سنه- طبعاً هو ماسك الشركات لأنه اكبر واحد فكان ابو صالح يعتمد عليه بكل شي لأنه كبر وماعاد يقدر يشتغل زي قبل.
ام يارا : فوزيه -عمرها 39 سنه- هاذي المره مثل ماقالوا حالها حال نفسها مالها دخل بأحد أهم مالها وسفراتها وطلعاتها طبعاً لأن صالح كان مدلعها.
يارا : 18 سنه -ثالث ثانوي- طويله جسمها حلو- شعرها قصير وحلو لونه بني وفيه خصل ملونه فيها كحلي وثلجي ووردي -عيونها عسلي- سمراء طبعاً هي ماتشبهه امها وابوها بنعرف ليش من احداث القصه" عربجيه ماهمها احد واللي براسها تسوويه."
************************************************** ********************
(عائله ابوخالد)

ابو خالد : سعود متوفي من يوم كانت فرح عمرها 15 سنه
ام خالد : نوره -عمرها 38 سنه- تزوجها ابو خالد يوم كان عمرها 16 ومن بعد مامات ابو خالد عاشت مع جد عيالها .
خالد : 22 سنه- طالب جامعي يدرس في لندن طويل القامه- حنطي- عيونه عسليه- جسمه رياضي- عريض وسيم جداً جداً .
فرح : 18 سنه- تدرس بثالث ثانوي- طويله -حنطيه -شعرها طويل بني -عيونها عسليه- طالعه ع امها تشبه اخوها خالد مرررررررره بس" نعومه هذا الفرق وهاديه ."
مشاعل : 13 سنه- ثاني متوسط -متوسطه الطول -بيضاء -شعرها اسود قصير -عيونها سوداء- تشبه ابوها كثيير لدرجه انها كانت المفضله لأم خالد لأنها تذكرها بأبو خالد "ملقوفه ولسانها طويل ."
************************************************** *********************
(عائله ابو عبدالله)

ابو عبدالله : حمد- 49 سنه- يشتغل بشركة ابوه اللي بالدمام فكانوا ساكنين بالدمام هو وعائلة وكان دائماً يزور اخوه عبدالعزيز لأنه بالخبر .
ام عبدالله : مها -36 سنه -اختها نوره ام خالد عشان كذا كان زواجهم بليله وحده من حمد وسعود .
عبدالله : 26 سنه- كبر نايف بس عبدالله كان يدرس طب ولأنه ماكان يحب يشتغل بالشركه عشان كذا ابوه احترم قرااره انه يدرس طب هو اسمر- طويل -ضعيف- مملوح مررره وهو دائماً يسوي قفل لانه حلوه عليه .
نجود : 21 سنه- تدرس بالجامعه قسم فنون لأنها كانت تحب الرسم- متوسطه الطول- سمراء حلووه مرره- وشعرها شلال لونه بني فيه اسود تحت كتفها .
لميس : 18 سنه- سمراء- شعرها طويل مرره عند خصرها- وهي صابغته خصل بنفسجي -عيونها بني فاتح -"رومنسيه لأبعد الحدود. "
************************************************** *********************
(عائله ابو نايف)
ابو نايف : عبدالعزيز- 46 سنه- طبعاً يشتغل بشركه ابوه اللي بالخبر عشان كذا اضطر انه يعيش هو وعائلة بالخبر بعد ماكانو بالرياض .
ام نايف : هدى -40 سنه- كانت تشتغل مدرسه فيزياء"ووووووووع"بس بعد ماتزوجت عبدالعزيز طلب منها ماتشتغل لأن عندهم خير .
نايف : 26 سنه- يشتغل مع ابوه بشركه غصب عنه لأن اكبر عيال عبدالعزيز عشان كذا كان يعتمد عليه بكل شي طبعاً كان متوسط القامه- اسمر- ومملوح مررررره واللي مزينه اكثر العوارض اللي مسويها .
طلال : 22 سنه -مع خالد يدرس بلندن حنطي- شعره اسود- طويل- عريض ودايم يسوي سكسوكه لأنه لما يسويها يطلع يجنن ووسيم طبعاً .
طارق : 15 سنه -اول ثانوي -مرح يحب يتهاوش دائماً مع اخته غلا لانهم دايم مع بعض هو اسمر- زي اخوه نايف بس ملامحه حلووه مره .
غلا : 18 سنه- ثالث ثانوي- بيضاء شعرها عند كتفها مقصص من فوق لتحت شكلها ررووعه- عيونها بنيه -متوسطه الطول- نعوومه ومدلعه لأنها البنت الوحيده لعبد العزيز عشان كذا كان مدلعها شايفه نفسها مرره مغرووره "بس طيبه ."
************************************************** *****************
(عائله ابو لجين)

ابو لجين : عبدالله -40 سنه- يشتغل في شركات ابوه كانت سفراته كثيره لدرجه انه مايفضا لبيته .
ام لجين : ساره- عمرها 35 سنه -كان ودها تجيب ولد بس مارزقها لكن املها بالله كبير .
لجين : 18 سنه- ثالث ثانوي -متوسطه الطول- حنطيه- مع انها جسمها مناسب لطولها -عيونها سوداء- شعرها حلو قاصته الفراوله وصابغه خصل فوشي لونه اسود شكلهاا طالع رووووعه كبر فرح "حقها تأخذ ما تسكت عنه لو يصير اللي يصير اهم شي حقها" ع قولتها وقت الجد جد نعوومه .
جود : 13 سنه -ثاني متوسط -عكس اختها تماماً- لون عيونها بني- لون شعرها بني غامق- شعرها لنص ظهرها -بيضا "بس اللي يشوفهم مايقول خوات" لجين طالعه ع ابوها وجود ع امها "فضوليه ملقوفه لسانها طويل "هي ومشاعل نفس الطينه .
************************************************** ****************
اصغر عيال ابو صالح

سليمان : 35 سنه كان مريض نفسي مع احداث القصه بنعرف ليش متوسط الطول عنده عضلات قوي يرفع اثقال ويحب الرياضيه مملوح بشكل عاام .

************************************************** *************

الجــــــــــــــــــزء الاول
بعد شهر من اجازه الصيف
كان الجد ابوصالح بالصاله مع ام صالح يتقهوون العصر لما انزلت فرح من غرفتها كانت دايم تحب تقعد مع الشيبان وتسمع سولفهم ولما شافوها
الجد : هلا وغلا بفروحتي
فرح ابتسمت راحت حبت رأس جدها وجدتها قعدت جنب جدها لانها مره متعلقه فيه بعد موت ابوها
فرح : هلا فيك جدي
نزلت مشاعل ولما شافت فرح قاعده جنب جدها انجنت وحاولت تمسك اعصابها لانها تغار من فرح راحت بهدؤء لجدتها وحبت راسها وبعدين لجدها وحبت راسه طبعاً البنت بدون ماتتكلم قعدت ع فرح
الجد والجده استغربوا من حركتها وقعدت تطالع فيهم
مشاعل : وش السالفه في شي شفيكم تطالعون...
قطع كلامها صوت صراخ فرح : اااااااااااااااااي ووووووووجع وخري عني بالدبه
مشاعل : ما الدب الا انتي ياحمااره
فرح : انا حماره يالعميه ماتشوفين
مشاعل : انا ما اشوف يا........
قطع كلامهم خالد توه جاي من الربع مسك اذن مشاعل وسحبها عاد هي ماقصرت بصراخ وتبكي
مشاعل : هي اللي جرتني "وقعدت ورى جدها تبكي"
ام صالح : هههههههههههههههههه
ابو صالح : ههههههههههههههههههههه
فرح : هههههه عيني عينك تكذب
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&
دق الباب راحت مشاعل تركض تبي تفتح الباب وقبل لتوصل الا ذيك اليد اللي سحبتها من شوشتها يوم التفتت الا هذا خالد صارخ : خير انشا الله من متى عندنا بنات يفتحون الباب
زعلت مشاعل وخرت يده وراحت عند جدها .لما فتح الباب الا هاذي ام لجين وبناتها هينا خالد انحرج سلم وطلع وراح المجلس .
شوي ودخل عليهم عمهم عبدالله : السلام عليكم ورحمته الله وبركاته
الكل : وعليكم السلام ورحمته الله وبركاته
البنات سلموا عليه
ابو صالح : اقول عبدالله متيى يجون اخوانك
عبدالله : انشالله بعد ثلاث ايام
ابو صالح : زين انشالله مايتأخرون.
&&&&&&&&&&&&&&&&&&&&&&&&&&&&&&&&&&&&&&
فرح ولجين ومشاعل وجود راحوا فوق وكل وحده تأخذ صديقتها معها
فرح : لجين وش رايك ندق على يارا نخليها تجينا
لجين : لا وشرايك نمر عليها ونطلع مع بعض نروح نتسوق ونتمشى
فرح : ودي بس مشاعل وجود بينشبون لنا
لجين : ما عليك منهم خليهم علي
فرح : شورك وهدايه الله
فرح تدق ع يارا
فرح : الو يارا
يارا ناااااايمه : الوووووووووووووووووووو
فرح : انتي نايمه ؟؟
يارا : .......................
فرح صرخت : هـــــــــي وجع ردي
يارا : هاااااا نعم يالمزعجه وش تبين
فرح:الشرهه علي داقه عليك علشان تطلعين معنا
يارا فزت وعدلت جلستها : والله وين
فرح : عادي اي مجمع انتي بس اطلبي
يارا : يالله دقايق واكون جاهزه
فرح : خلاص لما نجي عندك بدق عليك علشان تطلعين اوكي
يارا : اوكي
&&&&&&&&&&&&&&&&&&&&&&&&&&&&&&&&&&&&&&&

لبسوا البنات عبايتهم بعد مااستاذنوا من امهاتهم قبل ما يطلعون مشاعل لمحتهم بس ماخلوا مجال يقعدون معها يركضون وركبوا السياره
لجين : بســــــــرعه امشي
هنا مشاعل انجنت سحبت جود ونزلوا تحت على طول دخلوا المجلس لقوخالد يطالع لتلفزيون تروع يوم شافها تبكي مشاعل : والله انك توديني الحين
خالد مستغرب : وين اوديك
مشاعل : مالي دخل دق عالسايق وقوله وين يودي بنات
خالد ماكان يحب يشوف خواته زعلانات ولا يحب يحسسهم انهم فاقدين ابوهم عشان كذا كان يلبي كل طلباتهم
&&&&&&&&&&&&&&&&&&&&&&&&&&&&&&
مروا ع يارا اللي كانت واقفه عند الباب تنتظرهم ركبت السياره يارا : هاااي بنات
فرح ولجين : هايات
فرح : عز الله لو انها مدرسه ماكان شفتك واقفه عند الباب
يارا : رجاءً لا تطنزين انا اصلاً احترم المواعيد "كذابه بس عشان السوق"
لجين : اي صحيح مره مو كأنه جيت عندك عشان اوديك المدرسه
يارا : يومها يا ماما راحت علي نومه
لجين : فعلاً صح ما انتبهت لنقطه هااذي راحت علي ما فكرت فيها
هنا دق جوال راجوا: الو
خالد : الوو راجوا وينك
راجوا : انا في بيت عمي صالح
خالد : وين بيروحون البنات
راجواوخر الجوال وقال للفرح: كالد قول وين يبي رووح
فرح ارتبكت ودرت ان مشاعل قالت لخالد
لجين على طول : نبي نروح الصيدليه نشتري شويه اغرااض
راجوا: كالد فرح قول يبي يروح صيدليه
خالد : خلاص مع السلامه
راجوا: مع السلامه
&&&&&&&&&&&&&&&&&&&&&&&&&&&&&&&&&&&&&&&&
خالد: شفتي انهم رايحين الصيدليه
مشاعل وهي تبكي: عادي حتى انا ابي اروح الصيدليه كيفي صح توني تذكرت فيه اغراض ناقصتني
خالد : لا والله بعد تكذب
مشاعل : لا ما أكذب بتوديني ولا اقول جدي
خالد: يالله الشكوه لله البسوا خمس دقائق
مشاعل : مو خمس دقايق دقيقتين ونكون جاهزين
&&&&&&&&&&&&&&&&&&&&&&&&&&&&&&&&&&&&&&&&&
فرح : راجوا ودنا مجمع غرناطه
راجوا : بس انا اقول حق كالد انت يبي يروح صيدليه
هنا عصبت يارا : انت مالك دخل تودينا وبس واذا سألك خالد قوله الصيدليه طيب
راجوا : طيب انا مايبي قول مو عشان انتا انا مابي قول عشان لوزين وفره
يارا : ايه اهم شي ما تقول
&&&&&&&&&&&&&&&&&&&&&&&&&&&&&&&&&&&&&&&&
طلعت مشاعل وجود بعد ما استأذنو من امهاتهم فتحوا الباب الا هذا خالد قاعد بالسياره
جود: مشاعل الصراحه انا هونت ابي ارجع
فرح : يالخبله اقول انا ادري انهم مو بالصيدليه ابي انشب لهم
جود كانت توها متغطيه هي ومشاعل وما تعرف تمشي بالغطاء راحت مشاعل وراها جود نزلت مشاعل من الدرج وخالد نزل من السياره عشان يسكر كبوت عدل لانه مفتوح وجت مشاعل بتركب الا صوت ذيك الطيحه القويه مشاعل على طول لفت الا جود منبطحه على الارض وقاعده تبكي من الألم هنا مشاعل قعدت على الارض مو من الصدمه من
الضحك
قعدت :هههههههههههههههههههههههههههههههههههههههههه
لدرجه ان خالد حس انها بتموت من الضحك خالد كان ماسك الضحكته علشان ما يفشلها وقام سحب مشاعل من اذنها

علشان تنادي امها مشاعل : امانه موشكلها يضحك ههههههههههههه
خالد غصب عنه : ههههههههه وفتحت باب البيت ونادت ام لجين اللي جت تركض ماتدري وش صار لبنتها خالد:
خاله تبيني اوديها المستشفى هههههههه جودوهي تصرخ : والله ماارووح معهم لو اموت قامت ام لجين شلت بنتها ودخلتها
&&&&&&&&&&&&&&&&&&&&&&&&&&&&&&&&&&&&&&&&
ركبت مشاعل السياره وشافها خالد واستغرب : خير وشو تبين
مشاعل : يالله الصيدليه
خالد: اقول انقلعي عند صديقتك طايحه ويمكن تكسرت وتبين تتطلعين
مشاعل: مالي دخل مو انا اللي طيحتها
خالد : صح ما طيحتيها بس قعدتي تضحكين خليتي البنت تتفشل
مشاعل : والله كان شكلها يضحك وقعدت تذكر شكلها ههههههههه غصب عني هههه
خالد عصب من بروود اعصابها وصارخ عليها : اقول انزلي لا يجيك ذاك الطراق يطيرلك وجهك قومي تقلعي
مشاعل خافت لكن مابينت حاولت تسوي نفسها قويه : اقول اصلاً انا شلون اركب مع بزر ما يعرف يسوق اخاف تدعم فيني ونزلت وسكرت الباب بقوه خالد عصب من اخته قليله ادب لكن حاول يمسك نفسه وراح عند الربع
&&&&&&&&&&&&&&&&&&&&&&&&&&&&&&&&&&&&

فرح ولجين ويارا في مجمع غرناطه قاعدين يتمشون يارا: ياربي من هذا الغطاء ما اشوف شي احس اني بطيح
لجين : اللي يشوفك يقول متغطيه بصراحه غطاك شفاف مره
يارا : اقول اسكتي احمدي ربك بعد متغطيه لو على كيفي لا غطاء ولا عبايه
لجين: عشان يذبحك عمي
يارا : محد يقدر علي واللي براسي اسويه يعني اسويه
فرح تدخلت وياليتها ماتدخلت : اتحداك تفتحين غطاك مو اللي براسك تسوينه
يارا سكتت ومشت لجين وفرح:ههههههههههههههههههههههههه
لجين : وين ههههه اللي محد يقدر عليها هههههههههههههههههههه
&&&&&&&&&&&&&&&&&&&&&&&&&&&&&&&&&&&&&&&&&
بالبيت مشاعل ازعجتهم بصراخها : والله ما اخليهم يشوفون والله لا وريهم وقاعده تبكي
&&&&&&&&&&&&&&&&&&&&&&&&&&&&&&&&&&&&
بعد ما اخلصوا من السوق وهم راجعين لبيت جدهم عند الاشاره صادفوا ان سياره خالد جمبهم هنا سوت يارا حركه خلت البنات مصدومين فتحت شيلتها وعدلت شعرها وقامت تأشر لسياره واللي جنبهم شباب انجنوا لما شافوها وخالد ما انتبه لانه كان يسوق والشباب يقولون له شوف الزين لا يطوفك ووكان معصب من سالفته مع مشاعل مارد عليهم مشت السيارات ويارا :ههههههههههههههههههه شفتوا عادي مو قلت لك اللي براسي اسويه وما يهمني احد
لجين وفرح منصدمين من جراتها وهم ما يعرفون بعض مرررره عشان كذا ما توقعوا انها تسوي كذا
&&&&&&&&&&&&&&&&&&&&&&&&&&&&&&&&&&&&&&&&&&

هلا قوووووووووت القلوووووب

اني اول مره اقراء رووايه

روووووايتك مره روووووووعه

يااااااااااارا فله مايهمها احد

مشااااااااعل وغيرتها

شكلهم كلهممممممممم فله

يسلمووووووووا ياقلبي

بقولك شغله المنتدى توه جديد

يعني مابتلاقي قراء كثير

انشاء الله نقراء الرووايه ونعطيش التعاليق

انتي اصبري شوئ

وبتلاقي قراء

حلوه مره مره مره مشكوره
وبضل على نار عشان
اقرا الجزء الثاني
(6)

مشكوووورين حبايبي
وهذا بارت لعيونكم.. (15)

يتبع

وصلوا البيت جدهم ويارا راحت معاهم لأن فرح طلبت منها تتعشاء عندهم دخلوا البيت مشاعل راحت تركض : جيتوا كل هذا صيدليه
فرح : مشاعل مالك دخل وين رحنا فهمتي
عصبت مشاعل : والله مااخليكم لعلم جدي انكم ما خذيتوني معاكم
يارا : خير انشا الله لا يكون مصدقه نفسك يالبزر تروحين معنا
مشاعل : انتي مالك دخل مااحد كلمك
يارا تقلد مشاعل وهي تبكي : انتي مالك دخل مااحد كلمك
فرح : ههههههههههههههههه
لجين : هههههههههه اما عاااااد هههه
انقهرت مشاعل وراحت لغرفتها قعدو البنات مع بعض تعشوا واستانسوا وبعدين راحوا لبيوتهم
&&&&&&&&&&&&&&&&&&&&&&&&&&&&&&&&&&&&&&&&&&
بعد يومين تجمعوا البنات عند لجين

فرح : بنات انا مستانسه لأني بتعرف على بنات عماني يقولون في ثنتين كبرنا
لجين : ودي اشوف اشكالهم حلوات والا لا
يارا : ليش ميتات عليهم تلقونهم شينات ماينبلعون "غااارت من البنات "
فرح : هههههههههههههه لا مو لهدرجه عاد
لجين : ههههههههههه
فرح : بنات تعالوا اليوم ناموا عندي لأن بكره يتغدون عندنا ودي نكشخ مع بعض مانبيهم يغطون علينا
لجين : خلاص انا بروح معاكم بس بستأذن من امي واجهز ملابسي
يارا : وشو يغطون علينا هذا اللي ناقص بعد ههههههههههههه
فرح : يارا بتروحين معنا البيت
يارا : بس على شرط نروح لبيتي اخذ لي ملابس بعدين اروح معكم
فرح : اوكي
&&&&&&&&&&&&&&&&&&&&&&&&&&&&&&&&&&&&&&&&&&&&&
في الخبر

ام نايف : غلا غلا
غلا قاعده على النت ولا ترد دخلت ام نايف : غلا وجع ماتسمعين اناديك
غلا : لا ماما
ام نايف : بسرعه قومي ابيك بموضوع مهم
غلا : يالله ثواني واجيك بالصاله
نزلت غلا عند امها غلا : هلا مامي وش تبين
ام نايف : اقعدي
غلا : هذا انا قعدت
ام نايف : اسمعي جهزي اغراضك اليوم بكره من صباح الله خيره بنمشي
غلا : وين ليكون بنروح بريطانيا
ام نايف : لا حبيبتي بنروح الرياض
غلا باستهزاء: ها ها ها يمه تصدقين دمك خفيف
عصبت ام نايف : لا والله دمي خفيف اسمعيني زين سواءً جهزتي ولا ماجهزتي حنا رايحين يعني رايحين فهمتي
زعلت غلا : حنا مانعرف احد هناك
ام نايف : مالك دخل بالناس حنا نروح بيت جدك
غلا قامت تبكي : مامي تكفين ماابي اروح بقعد عند خوالي
دخل طلال البيت : السلام عليكم
ام نايف : وعليكم السلام
طلال : وش في غلاتي تبكي
ام نايف : ماتبي تروح الرياض
طلال : افا ليش ؟
غلا : مااعرف احد هناك واكيد بزهق
طلال : وش رايك انا قلتك انك ماراح تزهقين كل يوم بطلعك مكان واما عن ماتعرفين احد عماني كبار ومتزوجين اكيد عندهم بنات
ام نايف : عندهم ثلاث كبرها
طلال : ها مووو وحده ثلاث
غلا : خلاص بروح وامري الله
طلال : صدقيني بتستانسين
&&&&&&&&&&&&&&&&&&&&&&&&&&&&&&&&&&&&&&&&
في الدمام ام عبدالله ونجود ولميس قاعدين بالصاله يتقهوون دخل عليهم ابو عبدالله : السلام عليكم
كلهم : وعليكم السلام
ابو عبدالله : بقول لكم شي ولا تقاطعوني لين اخلص كلامي بكره من صباح الله خيره بنسافر
لميس ونجود فرحانات: اخيراً وافقت نروح تركيا
ابو عبدالله : من قال بنسافر تركيا
لميس : اجل اكيد جنيف انا عن نفسي جاهزه من الحين
ابو عبدالله : ولا جنيف
ام عبدالله : اجل وين بنسافر
ابو عبدالله : الرياض
نجود ولميس بصوت واحد : لاااااااااااااااااا
ابو عبدالله : وجع انشالله وش هالصراخ
ام عبدالله : ليش طيب بالذات الرياض
ابو عبدالله : من زمان عن ابوي وامي وهو وده يشوف عيالي من كانوا صغار مشافهم
لميس : لو انحبس بهلبيت بس مااروح الرياض
ابو عبدالله : وليه
لميس : ادري اني بزهق
نجود : بالعكس ونااسه الرياض فيها اماكن حلووه
لميس : انتي مالك دخل
نجود : مالت عليك يالمعقده
ابو عبدالله : على فكره ترى فيه ثلاث بنات كبرك وهناك وحده بالخبر بتروح هناك يعني اربع بنات بتستانسين انشاالله
لميس : ماادري ليش احساسي ماارح احبهم بدو
ابو عبدالله : لا ليش
لميس : بس احساسي مارح يناسبون ذوقي
ابو عبدالله : بكره الصبح كلكم جاهزين
&&&&&&&&&&&&&&&&&&&&&&&&&&&&&&&&&&&&&&&&&&&&&&& &

حبيت القصه
كمليها بس نبي بارتين
حبيبتي
(9)

حبيت القصه عيوني
مره روووووعه
نبي بارت ثاني بسرعه

يسلموووو ع البــــــــــــــــــــــــــــــــــــــــــــــــــــــارت

مررررررررررره جناااان

الله يعطيك الف عافيه